للمناقشة ...

بإمكانكم مناقشة ما اطرح و التفاعل معه وتبادل الآراء على حسابي بتويتر alfargad@

الاثنين، 14 مارس، 2011

يا درعنا / اهداء لدرع الجزيره




قصيده موجهه للأخوه بالبحرين والى اسود درع الجزيره كتبتها من قلبي كمواطن خليجي واتمنى ان تصلهم ... :



يا درعنا في مدلهمات الايام  *** درع الجزيره والجزيره وطنا 

قدام عند الجسر يا رجال قدام *** هذا الأمن ما نستهين بأمنا

منهو بغى بالسيف فالسيف فصام *** بالكايده نردع واذا  كاد كدنا

قبله خسى في دار الكويت صدام *** وانتم لنا بالقرب اقرب وادنى

يا ابن خليفه منته اليوم تنظام *** والمعتدي من دون قصرك بِيَفنا

حنا حزامك لا تحزمت بحزام *** شعب الخليج اللي وراكم سندنا

ما عاد ينفع لا تعزووا تِزّهام *** والمعتدي لابد يخسا ويخنا

نشر الخرايب والسرايق والأجرام  *** ما هي بشيمنا ولا هي ابمجتمعنا

واللي كبير السن بالليل ما نام *** خايف على بيته هجوم (ن) يشنّا

واللي عجوز (ن) تنتخي دين الأسلام *** وتنخى رجال (ن) مجدهم به يبنّا

وش عذرنا منهم وهم اهل و اعمام *** شعب الخليجي واحد (ن) ما يثنّا

واللي بغى بالسيف فالسيف فصام *** بالكايده نردع واذا عاد عدنا




جميع الحقوق محفوظه .... لشاعرها : الفرقد



هناك 4 تعليقات:

Q8Loz يقول...

صح لسانك استاذي

قصيدة في مضمونها الألم العميق الذي يلم بالبحرين
والمعنى الحقيقي للوحدة الكنفودرالية الخليجية ..
شكرا عظيمة سيدي

الفرقد يقول...

Q8Loz

العفو عزيزي يبدو انك مقتنع بفكرة النفيسي عن الخليج حتى النخاع ...

شكراً لك وحياك الله ...

غير معرف يقول...

الله عليك يأبوسلوم شهالاأبيات المعبره صراحه جبتها ع الجرح
صح لسانك . . . . . .



أخوك : سلمان المشاري

الفرقد يقول...

تسلم يا سلمان

كلك ذوق وهذا اقل ما نقدم لعيالنا في درع الجزيره

شكرا وحياك الله